Hoxe, 8 de setembro, comeza o prazo de preinscrición para participar no Programa de Natación Escolar, dirixido ao alumnado de 3º e 4º de Educación Primaria dos centros educativos públicos da Coruña. A actividade desenvolverase entre o 1 de outubro de 2026 e o 31 de maio de 2027, nas piscinas de San Amaro, San Diego e Riazor.
📅 Importante: prazos de inscrición
As familias interesadas deben ter en conta que o proceso consta de dúas fases:
Preinscrición: do 8 ao 14 de setembro, ambos incluídos
Accede á preinscrición aquí
Durante estes días deberá cubrirse o formulario de preinscrición dispoñible na web de Deportes.
Formalización da inscrición: do 21 ao 24 de setembro
As persoas seleccionadas deberán formalizar a inscrición nas oficinas do centro deportivo. O Club do Mar de Santo Amaro no noso caso.
O prezo é de 55,07 euros, nun único pagamento, e inclúe a actividade de natación, o traslado desde o centro educativo e a cobertura sanitaria.
🚌 Transporte
O alumnado será recollido no colexio e trasladado á piscina. Ao finalizar a actividade, será levado á parada no centro, onde deberá ser recollido pola súa familia.
O programa conta con 415 prazas en total incluindo todos os centros da cidade. Os horarios previstos poderán sufrir modificacións en función da matrícula final.
👉 Se o voso fillo ou filla está en 3º ou 4º de Primaria e queredes participar, lembrade: o prazo de preinscrición comeza hoxe e estará aberto ata o 14 de setembro.
