MENÚ DECEMBRO E AMPLIACIÓN DE HORARIO DE RECOLLIDA

Informámosvos que dende esta semana o horario de recollida na primeira quenda ampliarase de 15:15 a 15:20, dando eses 5 minutos de marxe as familias para a recollida, rogámosvos sexades puntuais, pois a partir das 15:20 xa non haberá ninguén no portalón nin se atenderá o telefonillo.

Menú comedor escolar mes de Decembro

RESULTADO ENQUISA DE DETECCIÓN DE NECESIDADES

Aqui deixámosvos o informe cos resultados da enquisa de necesidades, moitas grazas a todas e todos pola vosa colaboración e o voso tempo.

INFORME RESULTADO DA ENQUISA DE NECESIDADE

CAMPACOLE NADAL 2018

Aqui deixámosvos toda a información sobre o campamento de Nadal " campacole" organizado pola federacion Provicial de Anpas e subvencionado polo Concello. Este Nadal o campamento non poderá ser no noso cole, pero por solicitar ser sede decidiuse fusionalo co centro máis proximo (CEIP Curros Enríquez) para unha mellor optimización de recursos. Por esa razón o alumnado do noso centro tera preferencia para realizar a inscrición os días 3, 4 e 5 de Decembro xunto co alumnado do CEIP Curros Enríquez no ANPA do mesmo de 9:15 a 9:45 e de 16:00 a 16:30.

Nesta ligazón podedes consultar o diptico con toda a información detallada.

RESUMO REUNION XUSTIZA SOCIAL E COIDADOS MARTES 20 DE NOVEMBRO

Onte tivemos a reunión con Silvia Cameán da Concelleira de Xustiza social e coidados do Concello da Coruña, os temas que tratamos foron os demandados polas familias que conformades esta ANPA, a través das vosas suxestións e enquisas. A continuación facémosvos un resumo do acordado:  

 1-A concelleira infórmanos que xa está encargado o traballo a mantemento para o arranxo da zona acordoada, na entrada ao centro. En canto chegue o material o instalarán. Quedará pendente o resto do perímetro xa que a incidencia que tiñan e só relativo os espazos entre muro e verxa onde están as xardineiras. 

2- Respecto ao cambio do peche, nos informa que está contratado o cambio de 33 módulos, quedando algún sen cambiar que acometerase o ano que ben. Solicitámoslle que empecen pola zona de infantil e aquelas que teñan maior perigo de seguridade. 

3- Respecto o estado do pavillón azul, enviará a edificación a facer un informe técnico do estado xeral para acometer os arranxos necesarios.  Explicounos que fai un anos a Xunta e o Concello acordou repartirse os centros de ensino para acometer o mantemento dos mesmos polo que quedo unas competencias municipais as pequenas actuacións e limpezas deixando a Xunta a obra nova e grande obra de mais de 100.000 euros. 

4- Van estudar o pintado da pista azul para que non tinxa. 

5- Respecto o edificio de comedor, pasaranos un informe elaborado por rexeneración urbana que explica que non é susceptible de reforma polo custe que isto suporía e que proponse o seu derribo e nova construción, para que o presentemos na Xunta xa que sería a Xunta quen debería acométela. 

6- Solicitamos unha limpeza a fondo do comedor, así como unha limpeza extra os luns antes de que chegue o alumnado a madrugadores da zona de filas e entrada ao comedor. 

7- Respecto ao noso patio, nos confirma que o feito que o concello apoie o proxecto non vai en detrimento das obras de mantemento necesarias, xa que os orzamentos son totalmente diferenciados pertencendo a capítulos de gasto diferentes, polo que a concellería de educación si dispón de un orzamento anual para actividades de participación e espera retomar as propostas acordadas para acometer. Non pode ir contra o orzamento anual ninguna obra, senón actividades participativas ou instalacións acompañadas de obradoiros de participación, por exemplo instalación de canastras, rocódromo ou adquisición de xogos acompañados de obradoiros participativos e/ou de sensibilización do uso igualitario do patio.

8- A concelleira pregunta polo acordado en Xuño de instalar o rocódromo e informa que nos emitirá un informe dun técnico municipal para poder acometer a súa instalación con todas as garantía. Quedou en consultar ao equipo técnico a proposta remitida xa en xuño para a implementación do rocódromo.

9- Solicitamos a concelleira cambiar de ubicación os cubos de lixo, a poder ser fora da entrada ao centro.

10- Solicitamos a concelleira o arranxo das beiraruas rotas na zona de infantil

11- Queda coa incidencia de que non funciona o telefonillo do centro e comprobará o estado da mesma remitida por dirección. 

AVISO ACTIVIDADES PAVILLÓN

Acábannos de informar desde a Federación Galega de Deporte que hoxe xoves 15 e mañá venres 16 o pavillón permanecerá pechado por traballos de pintura, as actividades trasladaranse aos patios exteriores do colexio. Sentimos as molestias.

FIN DE OBRAS PAVILLÓN DEPORTIVO

Informámosvos que a partir de hoxe luns 12 de novembro o pavillón xa esta aberto, co cal as actividades extraescolares xa poden impartirse no seu espazo habitual. Grazas pola vosa paciencia e comprensión.

ACTIVIDADES CENTROS CÍVICOS NOVEMBRO

Achegámosvos os boletíns de actividades que faranse nos centros cÍvicos de Monte Alto e Cidade Vella no mes de novembro.

TRASLADO DE ACTIVIDADE POR ALERTA METEOROLÓXICA

Debido á alerta laranxa prevista para mañá venres 9 de Novembro, a actividade de esgrima trasládase ao espazo do comedor no edificio do ANPA.

AVISO IMPORTANTE!! SUSPENSION DE ACTIVIDADES EXTRAESCOLARES NO EXTERIOR POR ALERTA METEOROLÓXICA

Debido á alerta laranxa prevista para mañá a partir das 14 h, quedan suspendidas as actividades extraescolares que actualmente se están impartindo no exterior, por mor das obras do pavillón. Así que MAÑÁ, MARTES 6 DE NOVEMBRO QUEDAN SUSPENDIDAS AS ACTIVIDADES DE FUTBOL E PATIN.

ENQUISA DE DETECCION DE NECESIDADES

Tal e como comentouse na asamblea xeral do mes de setembro poñemos a vosa disposición unha enquisa de detección de necesidades coa intención de coñecer as vosas propostas ou suxestións, co obxectivo de aunar os esforzos a prol do que as familias da asociación, da que formamos parte, consensuemos, para iso é imprescindible contar coa vosa opinión. 

Veredes que non é anónima, ao non ser unha enquisa de satisfacción senón de propostas, precisamos poder ter a vosa información de contacto por si necesitáramos poñernos en contacto con vos. 

Só vos levará 5 minutos cubrila.

Para acceder a enquisa, preme aqui. a enquisa estará aberta ata o proximo venres 9 de Novembro.