Aviso urxente: Actividades extraescolares no pavillón CANCELADAS
Debido ao arranxo da pista do pavillón, hoxe mércores 9 de decembro e mañá xoves 10 de decembro, quedan canceladas todas as actividades extraescolares que se realizan no pavillón. O venres 11 reanúdanse con normalidade.
Desculpade as molestias.
Un saúdo,
Esta mañá, tres días despois do incidente comunicado aos medios, descubrimos con moita tristura que o mural de Iria Fafián "O que nos deixan as mareas", apareceu destrozado por unha pintada.
O mural da artista catalana foi creado dentro da segunda edición do programa Ecocarricarte, organizado e desenvolvido polo conxunto da nosa comunidade educativa para promover os valores universais do respecto, a tolerancia, a igualdade de xénero, a convivencia e a diversidade, e foi inaugurado o pasado 1 de novembro.
A raíz dun acontecemento sucedido o luns nos arredores do noso cole, dende a Direción do centro e dende a nosa ANPA demandamos ao Concello que mellore a iluminación e reforce a seguridade do noso cole.
Dende a ANPA, ademais, enviamos unha nota de prensa aos medios que está acadando gran repercusión nestes días. Colgámola aquí para que todas poidades lela e compartila:
A Coruña, 24 de novembro de 2020
O CEIP Sanjurjo de Carricarte leva anos sufrindo roubos e diferentes actos de vandalismo sen que dende o Concello da Coruña se implementen medidas disuasorias nin de seguridade. Tanto dende a Dirección do centro como dende a ANPA se solicitou en varias ocasións ao Concello da Coruña que se invirta na seguridade do centro, sen resposta por parte da Concellaría de Educación.
O pasado luns pola tarde, persoal docente do CEIP foi sorprendido na costa que dá acceso ao centro por unha serie de persoas encapuchadas portando un bate de béisbol e unha pistola eléctrica. Despois de denunciar este feito ante a Policía e remitilo tamén ao Concello, tanto a Dirección do centro como a ANPA esixen ao Concelleiro de Educación e Memoria Histórica, Chero Celemín, que cumpran co acordado na reunión mantida o pasado mes de marzo de 2020, tralo anterior acto vandálico sufrido no centro.
Nesta reunión a ANPA remitiu ao Concelleiro un completo informe sobre o estado do CEIP Sanjurjo de Carricarte, no que se facía especial fincapé na seguridade do centro e a súa contorna. Neste informe solicitábase a mellora da iluminación do recinto, a instalación dunha alarma exterior, a reparación e substitución do valado do recinto escolar (na actualidade, con fendas que permiten o paso dunha persoa adulta), e a mellora da vixilancia na área na que se atopa o a escola.
Estas peticións, que volveron ser remitidas ao Concello da Coruña esta semana, levan sen ser atendidas por parte da Concellería de Educación e Memoria Histórica dende o pasado ano 2019. Dende a ANPA do CEIP Sanjurjo de Carricarte consideran unha imprudencia e unha irresponsabilidade non acometer estas melloras no centro, expoñendo a toda a comunidade escolar, e especialmente aos cativos e cativas que asisten ao mesmo, a situacións de perigo e inseguridade constantes.
O CEIP Sanjurjo de Carricarte xa foi obxecto de roubos e actos vandálicos nos últimos anos, tales coma o roubo de equipos informáticos do centro no 2017, os destrozos nas hortas da escola e nas xardiñeiras do 2018 e os reiterados botellóns que se veñen producindo tanto no 2019 coma no 2020, deixando na área de xogo infantil cabichas, obxectos punzantes, preservativos, ouriños e vómitos. O último acontecemento desta semana pon en evidencia a necesidade de mellorar a seguridade tanto no centro como nos seus arredores, para evitar que volvan repetirse situacións coma as descritas.
Queremos agradecervos con este video a alta participación na segunda edición do concurso de fotografía "Con Lente Violeta", recibimos 49 obras que procuran difundir unha mensaxe igualitaria, fomentando e visibilizando a igualdade así como reflexionando sobre valores universais.
O obxectivo desta segunda edición foi sensibilizar sobre a importancia de traballar por una sociedade mais igualitaria na que non teña cabida a violencia de xénero, fomentar a corresponsabilidade entre mulleres e homes e estimular a creatividade das persoas participantes.
Aproveitamos para darlle as grazas a Borja o pai de Eire e Xandre pola edición do video, un fermoso regalo.
Está actividade forma parte do proxecto financiado Pola Secretaria Xeral de Igualdade da Xunta de Galicia.
O pasado 11 de novembro desfrutamos do obradoiro de diversidades sexuais para as familias a través de meet, un faladoiro ben interesante sobre a diversidade sexual e as identidades de xénero da man de AGASEX, Asoc. Galega para a saúde sexual, unha colaboración con esta entidade no marco do proxecto "Con tentes violetas" financiado pola Secretaria Xeral de Igualdade da Xunta.
A formadora, Lorena, achegounos un documento con diversos recursos literarios para seguir traballando en familia. Deixamos aqui o enlace: https://drive.google.com/file/d/1YlXeR2eQRyYeBpyszA_7-_ttTFEl_3nT/view?usp=sharing
O pasado 14 de novembro gozamos do obradoiro Educar e Coeducar, da man de Sara Vierna de Almas Meraki. Participamos 7 familias a través do meet e aprendimos sobre os estereotipos e roles de xénero que imperan na nosa socialización, profundamos na importancia que ten o traballo da intelixencia emocional que nos dota de recursos de regulación emocional para que as nosas relacións sexan igualitarias e en igualdade de oportunidades.
A formación xirou en torno a tres temas: analise de xénero, dimensión emocional e os piares da coeducación emocional.
Na primeira parte da sesión centrámonos nunha perspectiva feminista e sobre a xeración Alfa (nenos e nenas nacidos a partir do 2010)
Reflexionamos sobre como seguimos perpetuando unha feminidade e unha masculinidade normativa limitante a través dos xogos, series, debuxos, redes sociais etc.
Exploramos as consecuencias que xera un mundo simbólico patriarcal como a sexualización, o mito da beleza, o exceso de coidados e de agrado no caso das nenas.
Analizamos a represión emocional e a relación coa violencia dos nenos, as identidades de risco e o concepto "pornativos"
Na segunda parte, de xeito practico levamos a cabo varias dinámicas sobre competencias emocionais, conciencia e regulación emocional para facilitar un desenvolvemento integral de nenos e nenas, aspirando a feminidades empoderadas e masculinidades relaxadas.
Concluimos a sesión expoñendo chaves da praxi coeducativa a ter en conta e ofreceunos referentes en positivo para empregar no ámbito familiar.
A formadora, deixounos moitos recursos asi como a presentación sobre a que traballamos, un gran xeito de xenerosidade e implicación social. Por este motivo deixamos nesta entrada os diferentes materiais.
Grazas a todas as familias que participáchedes nas diferentes actividades programas do programa "Con lentes violetas" financiado pola Secretaria Xeral de Igualdade da Xunta de Galicia.
Recursos e recomendacións:
Lembrade que o próximo luns 23 de novembro as 16.30h temos a oportunidade de asistir ao obradoiro de Menarquía en familia e profundizar sobre a primeira menstruación, contaremos cunha profesional especializada do Espazo Educativo Arkhé.
Animádevos a participar, podedes inscribiros este fin de semana.
Enlace inscrición Menarquía: https://forms.gle/z6zDYMcAqCK4h8ZT8
No día
de onte e a distancia reuniuse o xurado do concurso de fotografía "Con lentes
violetas" 2020 formado polo profesorado Carlos e Leticia, unha nai e
un pai, Ania e Marcos, unha nena e un neno, Carlota e Lucas e unha persoa
representante da ANPA, Antía, e este é o resultado das súas deliberacións unha
vez analizadas as 49 fotografías recibidas:
1º Premio a: Aitana e Roi pola obra “Vivir en
igualdade” (9-6 anos)
2º Premio a: Lía
pola obra “Noticias do Futuro” (8 anos)
3º Premio a: Mayra
pola obra “ Nutrindo a mente” ( 5 anos)
Parabéns as persoas gañadoras, o próximo 25 de
novembro "Día contra a violencia de xénero" entregaranse os premios.
Ese mesmo día inaugurarase a exposición no centro das
49 obras recibidas.
Moitas grazas a todas as nenas, nenos, familia e
profesorado por participar nesta convocatoria e seguir traballando a igualdade
de xénero e a prevención da violencia machista.
Continuamos dándovos a coñecer as actividades para este mes do programa "O Sanjurjo con lentes violetas", unha iniciativa creada pola ANPA e subvencionada pola Secretaría Xeral de Igualdade que ten como obxectivo promover a igualdade real entre mulleres e homes e educar na prevención e rexeitamento das violencias machistas.
Hoxe abrimos a inscrición para o Obradoiro sobre Ciberseguridade, que se celebrará o vindeiro mércores 18 de novembro de 17h a 18h30. Baixo o nome "Ciberseguridade para familias: Sexting e Grooming" queremos dar a coñecer, de xeito telemático e en colaboración con ADAFAD, todos aqueles contidos que son necesarios para dar a coñecer entre as familias os posibles riscos e principais problemas asociados co uso de Internet por parte das nosas fillas e fillos, e de todas as destrezas que debemos coñecer para diminuír eses riscos.
Se queres inscribirte, podes facelo a través deste formulario: https://forms.gle/72oNTJ8PH1bhfxuB7
O seguinte obradoiro que vos presentamos hoxe "Educar é coeducar: Xénero e educación emocional". Este obradoiro impartirase, en colaboración con Almas Meraki, o vindeiro 14 de novembro, entre as 10h e as 14h e está dirixido a todas as familias, centrado na educación emocional e na igualdade de xénero. Con el queremos analizar a construción das identidades de xénero na infancia, así como coñecer as competencias emocionais.
Se queres participar del, podes inscribirte a través deste formulario: https://forms.gle/bBk9M5aNyGxNJihD9
En ambos casos, recibiredes unha confirmación da vosa inscrición e tamén toda a información relativa á celebración do obradoiro e os protocolos para poder seguilos.
Comezamos a programación da segunda edición do programa "Sumamos lentes, ampliamos o enfoque. O Sanjurjo con lentes violeta" co concurso fotográfico "CON LENTE VIOLETA".
 |
Por
segundo ano consecutivo presentámosvos o programa "O Sanjurjo con Lentes
Violetas. Sumamos lentes, ampliamos o enfoque" un programa creado pola ANPA e subvencionado pola Secretaria
Xeral de Igualdade co que desenvolveremos unha serie de accións destinadas
ao alumnado e familias do centro, co obxecto de promover a
igualdade real entre mulleres e homes e a prevención e rexeitamento das
violencias machistas.
Por mor da Covid todas as actividades foron adaptadas a situación cumprindo
os requisitos, todas as actividades están aprobadas pola Dirección e equipo
educativo.
Obxectivos xerais do programa:
· Desenvolver accións de sensibilización e prevención sobre a violencia de
xénero, traballando a prevención, a identificación e informando sobre os
recursos e pautas de actuación
· Educar na igualdade de oportunidades entre mulleres e homes de xeito real.
· Informar sobre as causas e consecuencias da violencia de xénero na nosa
sociedade.
· Transmitir valores universais, respecto, tolerancia, diversidade, convivencia
etc.
· Educar as emocións para o recoñecemento, a prevención e intervención en materia
de violencia de xénero.
· Fomentar relacións baseadas na empatía e o diálogo, a negociación,
cooperación e resolución de conflitos de xeito construtivo, capacidade de
iniciativa e pensamento crítico.
· Fomentar relacións equilibradas, solidarias e construtivas.
· Fomentar a construción dunha identidade libre de estereotipos promovendo
adquirir os recursos necesarios para fomentar relacións saudables e
igualitarias.
· Conmemorar cada 25 de novembro “Día contra a violencia de xénero”.
· Fomentar a participación das familias do CEIP, implicándoas na educación non
sexista.
· Mellorar a convivencia, fomentar a participación e dotar de ferramentas
e responsabilidade social ao alumnado e ás familias.
Actividades programadas:
1. Actividades e espectáculos escénicos dirixidos ao alumnado en horario
lectivo
2. Actividades dirixidas as familias.
Obradoiros e faladoiro
Como veredes tres
actividades precisan inscrición previa, no caso das actividades presenciais
para garantir o aforo e as medidas de seguridade necesarias. A intención e facelas
o aire libre como primeira opción pero de non poder ser o aforo será limitado e
cumprindo os protocolos.
Para inscribiros
en Educar é coeducar e/ou en Menarquía para nais e fillas tedes
que escanear o código e directamente facer a solicitude. Recibiredes un mail de
confirmación da praza coas indicacións necesarias para asistir. Ou entrar a través
de estes enlaces.
Enlace inscrición Educar é coeducar: https://forms.gle/bBk9M5aNyGxNJihD9
Enlace inscrición Menarquía: https://forms.gle/z6zDYMcAqCK4h8ZT8
No caso da charla
sobre Diversidade sexual, está prevista para o 11 de novembro as
18.30h, non temos aforo limitado, pero precisamos ter unha previsión, polo
que tedes que entrar no formulario e cubrilo, o prazo de solicitude remata o 9
de novembro. O mesmo día do obradoiro recibiredes as 18.15 o enlace para
conectarvos.
Enlace de
inscrición: https://forms.gle/Tii6SVLAtoShbH569
Por ultimo, a actividade
sobre Ciberseguridade é aberta, polo que en principio mandaremos o
enlace por mail para que podades conectarvos se apetécevos participar.
Concurso de
fotografía
Por segundo ano, convocaremos o día 2 de novembro o concurso fotográfico con lente violeta, con prazo de presentación de fotos o 13 de novembro. O luns colgaremos as bases, estade ben atentos e atentas.
Esperamos que desfrutedes da
programación, lembrade que cada 25 de novembro, conmemorase o "Día contra
a violencia de xénero", Non miremos cara outro lado e impliquémonos nesta
loita educando aos nosos fillos e fillas en igualdade de oportunidades, como
forma de eliminar as violencias machistas.
ANIMÁMOSVOS A TODOS/AS A
PARTICIPAR!
Hoxe publícase o listado provisional das persoas beneficiarias das becas comedor. Deixámosvos o enlace onde encontraredes toda a información.
Importante: este ano existe prazo de presentación para presentar as alegacións, do 28 de outubro ata o 10 de novembro, ambos incluidos:
Pincha aquí para ver o enlace da publicación das becas
JARDANAY RECÓRDANOS:
A continuación deixámosvos a circular que publica Jardanay con toda a información.
Ecocarricarte é un programa de actividades culturais de mellora de
competencias educativas en colaboración co entorno socioeducativo do centro
CEIP Sanjurjo de Carricarte que consta de actividades que desenvolven coñecementos,
linguaxe, costumes, valores, crenzas etc. que apréndense a través da
experiencia social.
O noso
programa pretende achegar a través de diferentes expresións artísticas unha
serie de coñecementos e valores universais de respecto, tolerancia, igualdade
de xénero, convivencia e diversidade, baixo o nexo común do respecto e coidado
medioambiental nesta segunda edición.
O programa de actividades é financiado a través da convocatoria de subvención á entidades sen ánimo de lucro para realizar actividades culturais durante o ano 2020 da Deputación da Coruña.
As actividades son coordinadas coa Dirección do centro e cumpre todas as medidas hixiénico-sanitarias marcadas polo protocolo do centro.
Achegamos o cartel de actividades que dará comezo este venres e finalizará o 18 de decembro.
Esperamos que o alumnado poda disfrutar destas actividades e impulsar o coñecemento do patrimonio natural, cultural , histórico e artístico galego, así como transversalizar a educación en valores de respecto, tolerancia e igualdade de xénero.
Dende Jardanay, para cumprir cos protocolos sanitarios da crise da COVID-19, trasládannos que é necesario mudar os horarios de recollida d@s nen@s á saída do comedor.
Deste xeito, a saída das 15:15 múdase ás 15:30, conservando a saída das 15:45 tal e como está.
O cambio farase efectivo o vindeiro martes 13 de outubro.
Se algunha das familias afectadas por este cambio de horario tedes algún problema ou incompatibilidade con el, podedes escribirnos ao correo da ANPA para tentar solucionalo: anpaesanjurjo@gmail.com
ACTIVIDADES
EXTRAESCOLARES
Desde a Federación de ANPAS remitirán
hoxe mail informativo ás familias que solicitáchedes alguna actividade
Queremos trasladar a información
de última hora
O mínimo de escolares para a
formación dos grupos queda fixado en 7 persoas inscritas, o máximo en 9.
De ter máis de 9 persoas
inscritas, inmediatamente desdóblase o grupo para dar resposta á demanda e que
non quede lista de agarda.
O cuestionario seguirá aberto as
próximas semanas e de darse novas inscricións poderán abrirse grupos novos nas
vindeiras semanas. http://app.fedapascoruna.org/inscripcioncurso2020
Neste momento temos confirmados os seguintes grupos:
Educación Infantil:
·
Manitas
·
Xogos rítmicos
4º a 6º de Educación Primaria:
·
Ximnasia rítmica
·
Escape room
Estas actividades dan
comezo a partir de mañá xoves 1 de outubro.
Trasladamos ao monitorado de
comedor o listado do alumnado que vai directamente desde o comedor ás
actividades
Un saúdo
A Directiva da ANPA
Bo día
Acaban de informarnos desde a Federación de ANPAS que hai un erro no prezo da actividade extraescolar English Lab
O prezo correcto son 15€ mensuais e non trimestrais como figura na difusión.
Contactarán coas familias que solicitáchedes a actividade para informarvos do erro.
Trasladan a todas as súas desculpas
xa podedes inscribirvos nas actividades, lembrarvos que o prazo ampliouse ata este xoves 24
http://app.fedapascoruna.org/inscripcioncurso2020
o formulario de inscrición nas actividades está dando erro e dende Federación de ANPAS estase a traballar para solucionalo canto antes, ante esta circunstancia amplíase o prazo de solicitude ata este xoves 24 de setembro.
Desculpade as molestias
está xa dispoñible o cuestionario para realizar a inscrición nas actividades extraescolares
http://app.fedapascoruna.org/inscripcioncurso2020
Bo día familias
neste momento aínda non está operativo o enlace para realizar a inscrición das actividades extraescolares, avisaremos a través do blogue tan pronto poda iniciarse o proceso.
Informarvos, que este curso 20-21, non se convocará a actividade de natación escolar.
Esta é a proposta de cado de actividades extraescolares 2020-2021 que tratarase hoxe na Asemblea das 19h, lembrade que esta é online e que tedes no mail o enlace para unirvos.
A continuación facémosvos un pequeno resumo por programa e actividade.
Programa que favorece o desenvolvemento
integral do alumnado a través da actividade física e deportiva.
Período de realización: do 1 de outubro de 2020 ao 31 de maio
de 2021
Cotas trimestrais:
·
Período de outubro a decembro: 15 € por participante e escola deportiva
·
Período de xaneiro a marzo: 15 € por
participante e escola deportiva
·
Período de abril a maio: 10 € por
participante e escola deportiva
*Aboarase una única cota
anual de 4€ en concepto de seguro de accidentes.
Prazo de inscripción: do 1 ao 20 de setembro na seguinte ligazón http://www.fedapascoruna.org/inscripciones/
Horario: ver cadro de actividades
Educación
infantil
·
Xogos
Rítmicos: luns e mércores de 17:00 a
18:00 horas
·
Pre-patinaxe:
martes e xoves de 16:00 a 17:00 horas
1º EP a 3º EP
·
Patín: luns e mércores de
16:00 a 17:00 horas
·
Ximnasia Rítmica: martes e xoves de 17:00 a 18:00 horas
4º EP a 6º EP
·
Patín:
luns e mércores de 17:00 a 18:00 horas
·
Ximnasia
Rítmica: martes e xoves de 16:00 a 17:00 horas
· Atletismo: martes e xoves de 17:00 a 18:00 horas
ARTE
E CULTURA - OBRADOIROS
Proposta
de ocio educativo que complementa a xornada lectiva, persegue o desenvolvemento
integral (físico, intelectual e social) do alumnado nunha contorna lúdica, de
diversión e entretemento (aprender xogando).
Período
de realización: do 1 de outubro de 2020 ao 31 de maio de
2021
Cotas
trimestrais:
·
Período de outubro a decembro: 15 € por
participante e obradoiro
·
Período de xaneiro a marzo: 15 € por
participante e obradoiro
·
Período de abril a maio: 10 € por
participante e obradoiro
*Aboarase
una única cota anual de 4€ en concepto de seguro de accidentes.
Prazo
de inscripción: do 1 ao 20 de setembro na seguinte ligazón http://www.fedapascoruna.org/inscripciones/
Horario: ver
cadro de actividades
Educación infantil
·
Manitas:
luns e mércores de 16:00 a 17:00 horas
· Eureka: martes e xoves de 17:00 a 18:00 horas
1º EP a 3º EP, Abracadabra: martes e xoves de 16:00 a 17:00 horas
4º EP a 6º EP, Escape room: martes e
xoves de 17:00 a 18:00 horas
ARTE
E CULTURA - PROXECTOS
Actividade
na que partindo dun centro de interese e baixo a metodoloxía de traballo por
proxectos desenvolveranse diferentes actividades multidisciplinares nas que
nenas e menos serán as verdadeiras protagonistas xerando a súa propia
aprendizaxe a través da investigación e expeimentación fomentando á vez o
espíritu crítico e o traballo en grupo
Período
de realización: do 1 de outubro de 2020 ao 31 de maio de
2021
Cotas
trimestrais:
·
Período de outubro a decembro: 18 € por
participante e proxecto
·
Período de xaneiro a marzo: 18 € por
participante e proxecto
·
Período de abril a maio: 12 € por
participante e proxecto
*Aboarase
una única cota anual de 4€ en concepto de seguro de accidentes.
Prazo
de inscripción: do 1 ao 20 de setembro na seguinte ligazón http://www.fedapascoruna.org/inscripciones/
Horario: Venres de 16:00 a 18:00 horas
ENGLISH
LAB
Período
de realización: do 1 de outubro de 2020 ao 31 de maio de
2021
Cotas
trimestrais:
·
Período de outubro a decembro: 15 € por
participante
·
Período de xaneiro a marzo: 15 € por
participante
·
Período de abril a maio: 10 € por
participante
*Aboarase
una única cota anual de 4€ en concepto de seguro de accidentes.
Prazo de inscripción: do 1 ao 20 de setembro na seguinte ligazón http://www.fedapascoruna.org/inscripciones/
Horario: ver
cadro de actividades
1º EP a 3º EP: luns e mércores de 17:00 a 18:00 horas
4º EP a 6º EP: luns e mércores de 16:00 a
17:00 horas
