O día 1 de marzo comeza o periodo de presentación de solicitudes de admisión para o curso 2017-2018. Teremos ata o día 20 para pensar cal é o centro que preferimos para escolarizar ós nosos fillos, e facer ben as contas dos puntos que teremos para acceder a un centro ou a outro.
Na web educativa do Concello temos toda a información necesaria sobre este proceso: os mapas das zonas de influencia de cada centro, a documentación a presentar, a valoración de cada un dos criterios do baremo (irmáns no centro, renda, discapacidade...)
Moitos dos centros da cidade abren estos días as portas para que as familias poidan coñecelos mellor: as instalacións, o funcionamento do centro, parte do equipo docente... É un bo momento para botar un ollo ós coles que nos interesan e decidirnos por un.
O noso cole celebrará a xornada de portas abertas o día 23 as 17.00.
¡Que teñades sorte!
