Desde a Asoc. Vecinal de Monte Alto invítannos este sábado día 16 de novembro a partir das 18h, a celebrar o Magosto do noso Patio na Biblioteca Veciñal do Campo de Marte.
https://avvatochasmontealto.wordpress.com/2019/11/12/vivindo-o-barrio-o-magosto-do-noso-patio/
Ás 18h, gozaremos cun conta contos no que Caxoto relatará historias sobre o Magosto, para animar a nenas e nenos a probar e gorentar as castañas.
A continuación, arredor das 19h, a ANPA do Sanjurjo de Carricarte presentaranos o proxecto O Noso Patio, ideado para mellorar o espazo de recreo do centro coa participación de pais e nais, profesorado e alumnado.
E para rematar a Festa, contra as 19:30h coñeceremos mellor a Cántigas da Terra, unha entidade centenaria con sede no noso barrio, que nos ofrecerá un Concerto didáctico.
Todo isto acompañado por suposto con castañas e petiscos para todas as persoas asistentes, agardámosvos!
