Como estaba previsto, hoxe día 26 de 16h a 20 h no CEIP Sanjurjo de Carricarte (Monte Alto) está prevista unha acción de sensibilización para concienciar as persoas sobre a necesidade de recoller as excrecións caninas que se depositan na pista contigua ao centro.
A acción consistirá en tecer na verxa o lema "CACAS NON" con materiais de refugallo e facer unha plantada de carteis nas cacas, como forma de reivindicar o desacordo coas condutas incívicas e loitar por un entorno limpo e saudable para o centro CEIP Sanjurjo de Carricarte.
Paralelamente o alumnado lera un pequeno manifesto por megafonía varias veces ao longo da tarde.
E como non, traede merenda para compartir un espazo e tomar forzas.
Esperámosvos, invitade á familia, amigos/as ou a veciñanza a unirse.
