XOGANDO A SER LIBRES: DA EMOCIÓN Á ACCIÓN

 

En anteriores cursos escolares puxemos en marcha o programa “O Sanjurjo con Lentes Violetas” cun obxectivo claro e moi ambicioso, promover a igualdade real entre mulleres e homes e a prevención e rexeitamento das violencias machistas. 

No curso actual queremos apostar por un proxecto que traballa desde o ámbito da intelixencia emocional, a identificación e regulación emocional como base de coñecemento para poñernos en marcha e loitar contra a violencia de xénero, fomentando a igualdade de oportunidades entre mulleres e homes a través dos valores universais de respecto, tolerancia, diversidade, etc.

Salientar que a programación destas actividades é posible grazas ás axudas dirixida ás asociacións de nais e pais do alumnado de centros educativos de Galicia coa finalidade de potenciar a promoción da igualdade e a prevención da violencia de xénero, operación cofinanciada con Fondos finalistas do Pacto do estado contra a violencia de xénero.

Obxectivos xerais do programa:

● Desenvolver accións de sensibilización e prevención sobre a violencia de xénero, traballando a prevención, a identificación e informando sobre os recursos e pautas de actuación.

●      Fomentar o desenvolvemento integral de nenas e nenos para que poidan gozar dunha “boa vida”.

●      Educar na igualdade de oportunidades entre mulleres e homes de xeito real.

●      Informar sobre as causas e consecuencias da violencia de xénero na nosa sociedade.

●      Transmitir valores universais, respecto, tolerancia, diversidade, convivencia, etc.

●   Educar as emocións para o recoñecemento, a prevención e intervención en materia de violencia de xénero.

●    Fomentar relacións baseadas na empatía e o diálogo, a negociación, a cooperación e a resolución de conflitos de xeito construtivo, capacidade de iniciativa e pensamento crítico.

●      Fomentar relacións equilibradas, solidarias e construtivas.

●    Fomentar a construción dunha identidade libre de estereotipos promovendo a adquisición  dos recursos necesarios para fomentar relacións saudables e igualitarias.

●      Fomentar a participación das familias do CEIP, implicándoas na educación non sexista.

●  Mellorar a convivencia, fomentar a participación e dotar de ferramentas e responsabilidade social ao alumnado e ás familias.

●      Empregar o xogo como vehículo de comunicación e aprendizaxe.

ACTIVIDADES PROGRAMADAS:

1. CONCERTO COEDUCATIVO “RAMONA ÓRBITA” DE PAKOLAS

2. OBRADOIROS PARA O ALUMNADO

3. PÍLULAS FORMATIVAS PARA FAMILIAS

As pílulas formativas para familias precisan inscrición previa, para garantir o aforo e os protocolos e medidas de seguridade necesarias. 

Para inscribiros tedes que escanear o código e directamente facer a solicitude para o obradoiro no que queredes participar. Recibiredes un mail de confirmación da praza coas indicacións necesarias para asistir. 

Ou entrar a través deste enlace: 

https://docs.google.com/forms/d/e/1FAIpQLSe60qA_v1G3n3NaJuuuZCtaednWcfdvEM7gYJanpShwdJhaBw/viewform?usp=sf_link