Persoas do C.I.S. de A Coruña y del C.P de Teixeiro crean agasallos para o alumnado do noso CEIP

Chega o fin de curso e a falta de festas de fin de curso pola pandemia, un grupo de persoas do Centro de Inserción Social de A Coruña e do Centro Penitenciario de Teixeiro en colaboración coa Fundación Erguete quixeron facerlles un detalle aos nenos e nenas do noso colexo e crearon 223 regalos para repartir o último día de curso.

Levan meses traballando nos módulos 9, de enfermidade mental e no de mulleres en el CP Teixeiro creando figuriñas de xeso e pintándoas a man para cada un dos nenos e nenas. Dende o Centro de Inserción Social ocupáronse do empaquetando creando as bolsas para cada figura e uns pequenos arcoíris de madeira, como símbolo deste ano, co que lles desexan un feliz verán.

Maña venres farase a entrega dos agasallos ao noso CEIP para que os/as mestres/as os podan repartir. Aos paquetes acompáñalles un video onde o alumnado poderá visualizar como foi todo o proceso de producción no que os participantes len unha carta transmitíndolles a ilusión que lles supuxo o encargo.  Aquí podedes pinchar para ver o vídeo.

Esta actividade sirvelles como pretexto para iniciar unha colaboración máis longa no tempo, na que algunhas persoas destes centros que participan en talleres ocupacionais de carpintería crearán algúns xoguetes de madeira para ter máis alternativas coas que xogar no patio. Nesta colaboración tamén participou a empresa Finsa que donou case unha tonelada de madeira para que este proxecto poda facerse realidade.

Irémosvos informándo dos avances da iniciativa.

BANCO DE LIBROS "ENTRE FAMILIAS" PARA O CURSO 2021-2022

 INFORMACIÓN XERAL DO BANCO DE LIBROS PARA O CURSO 2021-2022

O banco de libros "Entre familias" é un fondo voluntario e complementario, podendo solicitalo as persoas que non reciben libros do fondo solidario da Xunta de Galicia. 

Este fondo da Xunta ainda ten prazo de presentación de solicitudes ata o 22 de xuño, animámosvos a consultar as bases e solicitala na secretaria do cole, xa que o reparto faise ata esgotar existencias.

https://www.xunta.gal/dog/Publicados/2021/20210520/AnuncioG0598-070521-0001_gl.html

O noso banco de libros "Entre familias" realízase de 3º a 6º de primaria (xa que son os cursos onde xa non se escribe nos libros). NON ENTRAN OS LIBROS DE EXERCICIOS (por. ex. en inglés sempre hai un libro de texto e outro de exercicios só entra o de texto).

Para o curso 2021-2022, debido o cambio de libros nos cursos de 3º e 5º de Educación Primaria este ano, o banco precisa das novas doacións destes libros para poder ofrecelos.

FUNCIONAMENTO DO BANCO DE LIBROS

O profesorado recolle ata o venres 18 de xuño, na aula, todos os libros do banco, tanto os que teñen que devolverse coma as novas doacións, lembrade entregalos en bo estado de conservación, sen subliñar e sen nome. 

Se por calquera motivo non podedes entregalos ou queredes doalos mais adiante. Escribídenos un mail a anpaesanjurjo@gmail.com e acordaremos a entrega da doazón.

As familias que  queran solicitar libros do banco para o curso 2021-2022 poden facer xa petición neste formulario online ata o 5 de xullo ás 14h.

https://docs.google.com/forms/d/e/1FAIpQLSc1viX4rj6OpDC9ZAr0Uqh8ZWkognE1mqmJU9jBJrBZt6IeTg/viewform?usp=sf_link

Enviaremos un mail confirmando o lote asignado de libros no mes de xullo. O reparto será previsiblemente a principios de setembro.

Mandarémosvos un mail confirmando a data e forma de entrega.

CRITERIOS DE ENTREGA

No caso de rexistrarse máis solicitudes* do número de exemplares dos que se dispón empregaremos os seguintes criterios:

· Terán prioridade no reparto aquelas familias que doasen libros ao banco


· Rigorosa orde de recepción dos cuestionarios on line


*Desde este fondo non é posible garantir que se poidan recibir o mesmo número de libros que se doan.


NORMAS DE USO DO BANCO DE LIBROS


Os libros de texto correspondentes ao proxecto do Banco de Libros “Entre familias” é unha iniciativa voluntaria. As familias reciben os libros como préstamo e devólvenos ao final de curso. Cada libro conta cunha pegatina e un selo da ANPA para identificalos.

Para o USO CORRECTO dos libros deben terse en conta as seguintes NORMAS:

· Débense FORRAR OS LIBROS para preservar a súa conservación.
· O nome d@ alumn@ porase enriba do forro, cun folio e celo por riba. PROHÍBESE O USO DE ETIQUETAS, dado que son imposibles de quitar de un ano para outro.  Nunca se escribirá o nome dentro do libro.
· Os libros non se poden escribir nin subliñar, nin facer ningún tipo de debuxo ou  escrito neles(importante concienciar @s nen@s).

Considérase mal uso ou deterioración do libro de texto:

1. Realizar exercicios nas propostas de actividades, os exercicios fanse nas libretas.
2. Escribir palabras e mensaxes en calquera formato.
3. Facer debuxos ou pór adhesivos.
4. Dobrar as follas para marcar os temas.
5. Ensuciar as páxinas con calquera produto. Evitar merendar ou comer diante dos libros.
6. Romper, engurrar ou mollar calquera folla do libro.

En caso de deterioro moi grave ou perda dalgún libro, este deberá ser reposto pola familia.

En caso contrario, a negativa suporá renunciar a participar no proxecto de banco de libros para o curso seguinte.

Listaxe de admitidas e de agarda para os Campacoles 2021

 

Vén de publicarse na web da Federación de ANPAs a relación de admitidas e en agarda para os Campacoles deste verán. Tedes toda a información na web da Federación

 http://fedapascoruna.org/2021/06/10/campacoles-2021-listaxes/

Convocadas as axudas para adquirir libros de texto e material escolar

Vén de publicarse no DOG a convocatoria de axudas para a compra de libros e material escolar para o vindeiro curso 2021/22. 

AXUDA Á COMPRA DE LIBROS

As persoas beneficiarias serán as alumnas e alumnos de 1º e 2º de Educación Primaria e Educación Especial. Estas axudas, coma en anos anteriores, estarán supeditadas á renda:

• Renda per cápita igual ou inferior a 6.000€ en 1º e 2º EP: 210€
• Renda per cápita superior a 6.000€ e igual ou inferior a 10.000€ en 1º e 2º EP: 140€
• Alumnas e alumnos de Educación Especial e discapacidade igual ou superior ao 65%: 275€ sen importar a Renda per cápita.

FONDO SOLIDARIO

O programa de préstamo de libros mantense este ano nos curso 3º, 4º, 5º e 6º de Educación Primaria, para todos os libros de texto que se atopen dispoñibles no fondo solidario do centro. 

Garantías do Fondo Solidario:

• Mínimo de 6 libros para as alumnas e alumnos con Renda per cápita igual ou inferior a 6.000€
• Mínimo de 4 libros para as alumnas e alumnos con Renda per cápita superior a 6.000€ e inferior a 10.000€

CHEQUE MATERIAL ESCOLAR

Esta axuda económica está orientada ao pago de material escolar, roupa deportiva, dispositivos electrónicos que se vaian empregar no centro, calzado e mochila. As solicitudes tramitaranse nos centros escolares segundo se vaian recibindo e serán entregados os cheques só tras presentar a documentación requirida e comprobar o cumprimento dos requisitos: 

• Renda per cápita igual ou inferior a 6.000€: 50€

O prazo de solicitude é do 21 de maio ao 22 de xuño de 2021. 

A solicitude pode realizarse de xeito telemático ou nos centros escolares. 

A convocatoria completa pode consultarse nesta ligazón. 

Campacoles verán 2021

 

Ábrese a convocatoria da edición 2021 dos CAMPACOLES, organizados pola Federación Provincial de ANPAS e a Concellería de Educación. Este verán terán como temática os xogos olímpicos, empregando o deporte para educar no esforzo, o xogo limpo, o respecto e a saúde.

O noso cole é este ano centro sede do Campacoles 2021, que conta con 2.250 para toda a cidade. 

PERSOAS DESTINATARIAS

Nenas e nenos matriculadas nalgún curso de Educación Infantil ou Primaria nos centros de ensino público da Coruña. 

QUENDAS

1ª Quenda: do 28 de xuño ao 02 de xullo

2ª Quenda: do 5 ao 9 de xullo

3ª Quenda: do 19 ao 23 de xullo

4ª Quenda: do 26 ao 30 de xullo

 

HORARIOS

Horario xeral: De luns a venres de 10h a 14h, con posibilidade de ampliación de horario no último día de cada quenda ata as 17h. 

Madrugadores: de 8h30 a 10h

Comedor: de 14h a 15h30, con posibilidade de saír ás 15h

INSCRICIÓN

As prazas asignaranse por orde de inscrición, tendo prioridade as alumnas e alumnos matriculadas nos centros sede, seguidas das matriculadas nos centros adscritos ao centro sede. 

Preinscrición: 24, 25 e 26 de maio a través da web www.fedapascoruna.org/inscripciones 

Publicación de preadmitidas/os: 10 de xuño nas páxinas coruna.gal/campamentos2021 e www.fedapascoruna.org 

Inscrición: do 11 ao 15 de xuño

Lista de agarda: do 16 ao 21 de xuño

COTAS DE INSCRICIÓN

15€ para horario xeral

10€ para madrugadores sen almorzo

16€ para madrugadores con almorzo

22€ para comedor

As menores beneficiarias da bolsa comedor no curso 2020/21 estarán exentas da cota xeral (15€)

Toda a información dos CAMPACOLES está dispoñible neste documento descargable, nas páxinas web www.fedapascoruna.org e coruna.gal/campamentos2021, e nos teléfonos 981202002, 649055939, 698158503

A comunidade escolar vólcase ca horta

 

A horta do #ONosoPatio está máis viva que nunca. Despois da posta a punto gracias á colaboración da Fundación Paideia e Trébore Xardinería (con rego automático e todo) a comunidade escolar ao completo (tanto pais e nais, como alumnado e profesorado) están volcados co proxecto.

As familias participaron varias tardes na preparación (sachando e quitando herbas) do terreo, e na creación dun plan de plantación. Tamén realizaron unha xornada de plantación, e acoden semanalmente a regar as xardineiras da entrada e da zona de infantil, que non teñen rego automático.

A mellor parte do proxecto é a implicación de 6 mestras do centro, que, coa axuda dalgunha familia, están levando ás súas aulas a ver de preto como se plantan as hortalizas que comemos. Ao longo destes meses que quedan de cursos poderán aprender como se coidan e ver como medran.

As familias estanse organizando a través dun grupo de whastapp, no que podedes entrar solicitándoo enviando un correo a anpaesanjurjo@gmail.com.

 

PRAZO DE INSCRIPCIÓN NO PROGRAMA CÓXEGAS 2021

 

Desde a Federación Provincial de ANPAs, infórmannos que o vindeiro 3 de maio dará comezo as inscripcións do programa de ocio e conciliación CÓXEGAS, que se desenvolverá desde o 1 ao 22 de xuño, de luns a venres de 16 a 18h.

A ter en conta:

• As inscripcións serán todas telemáticas no enlace: www.fedapascoruna.org/inscripciones
• Precisarase un mínimo de 6 escolares para a formación dun grupo.
• Respectaranse os grupos burbullas actuais, que están a funcionar actualmente en cada centro nas  actividades extraescolares, dacordo ao protocolo COVID do centro e ao específico elaborado pola empresa de prevención para esta actividade.

 

Información sobre prazas no Comedor Escolar

Bo día!

Infórmannos dende Jardanay de que xa non quedan dispoñibles prazas presenciais no comedor para o grupo de Educación Infantil (agás baixa de algunha alumna ou alumno).

URXENTE: martes 18 de maio, día NON lectivo

 Bo día, familias!

Informámosvos de que o vindeiro 18 de maio (martes) foi escollido como día NON lectivo no noso cole, polo que o centro estará pechado e non haberá nin aulas nin actividades extraescolares. 

 

Que ben se ven as zonas verdes da escola!

Grazas a un convenio coa Fundación Paideia  o Taller Trébore Xardinería, unha empresa de economía social, estivo traballando os primeiros días de semana santa en renovar todas as zonas verdes do colexio.

Son moitas as cousas  que fixeron,  e é que ademais de renovar toda a terra e preparala para poder conseguir as mellores condicións para as plantas, adecentaron todas as xardiñeiras da zona da entrada e de infantil, onde podemos ver metrosideros nos ocos que antes estaban baleiros, e trepadoras que tentarán tapar e embelecer o peche do noso centro a medida que vaian medrando.

E non nos podemos esquecer da horta, a estrela deste proxecto onde se instalou o rego automático e se fixo un traballo importante para a renovación da terra. Unha das parcelas se reservou para plantas aromáticas: ourego, romero, albahaca... e outra queda a punto para que o alumnado, pais, nais e profesorado nos enfundemos o traxe e nos poñamos a cultivar.

Espero que esto sexa unha boa nova para todos/as nós e nos motive para participar en manter todo isto e que o proxecto da horta non pare de medrar.

QUEREDES COLABORAR?

De momento, imos precisar colaboración no rego de todas as zonas, e intentar turnarnos para que non queden moito tempo sen auga. Así que aproiveitamos para informarvos, para quen non o saiba,  que existe dun grupo de whatsapp de nais e pais interesados/as en coidar a horta que está desexando ter novas incorporacións que axuden a que este proxecto se manteña e medre, así que todas as persoas interesadas podedes enviarnos un mail a anpaesanjurjo@gmail.com

Animádevos!, esto é un brote de esperanza dentro deste ano tan difícil.