Listaxe dos campamentos municipais para este verán

Ademais dos anunciados Campacoles (o que nos corresponde este curso desenvolverase no CEIP Curros Enríquez e cuio prazo de preinscrición é estes 23, 24 e 25 de maio nesta ligazón), queremos compartir unha serie de alternativas abertas dende entidades públicas.
Durante estes días iremos informando doutras opcións tanto públicas como privadas.

O Concello da Coruña, ademais dos Campacoles, ofrece as seguintes posibilidades, que requiren unha inscrición online a través da web municipal: 

INSCRICIÓN do 23 de maio ás 8:00h ao 25 de maio ás 21:00h

Campamentos de Mocidade: (Preinscrición nos campamentos de verán)
Destinatarios: Mozas e mozos de 12 a 17 anos (nados entre 2005 e 2010).
Datas: Xullo de 2022 en dúas quendas de 9-10 días.
Prezo: de balde

Campacoles: (inscricións en https://fedapascoruna.org/)
Destinatarios: Escolares de 2º ciclo de EI ou EP matriculados nun CEIP do Concello no actual curso 2021/22.
Datas: Do 27 de xuño ao 29 de xullo en 5 quendas de 5 días.
Prezo: 25euros

Summer Talk:  (inscricións en https://fedapascoruna.org/)
Destinatarios: Escolares matriculados nos cursos de cuarto a sexto ano de Primaria, e de primeiro a cuarto ano da ESO en centros públicos do Concello, no actual curso 2021/22.
Datas: Do 27 de xuño ao 29 de xullo en 5 quendas de 5 días
Prezo: 20euros

Campamentos Fórum e Ágora: (Preinscrición nos campamentos de verán do Fórum Metropolitano / Preinscrición nos campamentos de verán do Ágora)
Destinatarios: Menores nados entre 2018 e 2010. Na quenda especial para adolescentes no Ágora, poderán participar as e os menores nados entre 2009 e 2006.
Datas: Do 27 de xuño ao 2 de setembro en 5 quendas de 9-10 días.
Prezo: de 35 a 45 euros.

Campamentos Aquarium Finisterrae: (Preinscrición nos campamentos de verán)
Para Menores de 11 a 14 anos.
Datas: Do 27 de xuño ao 28 de xull
Prezo: 29,09 euros.

Escola de verán da OMIC: (Preinscrición na escola de verán)
Destinatarios: Menores de 4 a 10 anos.
Datas: Do 1 ao 29 de xullo.
Prezo: de balde

INSCRICIÓN OS 1, 2 e 3 de xuño nas web municipal para os seguintes: 

Campamentos urbanos nos centros cívicos
Para nenas e nenos nados do 1/01/2010 ao 31/12/2018
Do 1 de xullo ao 7 de setembro en cinco quendas de 15 días.
Prezo: Entre 26 y 32 euros.

Campamentos de día: 
Para nenas e nenos nados do 1/01/2010 ao 31/12/2018.
Datas: Do 1 de xullo ao 31 de agosto en catro quendas de 15 días.
Prezo: 85€

Campamentos tradicionais de pernoctación: 
Para Rapaces e rapazas nados entre o 1/01/2006 ao 31/12/2014.
Datas: Do 10 de xullo ao 13 de agosto en catro quendas de sete días.
Prezo: 85 euros

 Campamentos deportivos:
Para: Menores de 6 a 13 anos.
Datas: Do 27 de xuño ao 4 de setembr
Prezo: 25euros.

Campacoles verán 2022

 Bo día

Enviamos a información do programa Campacoles verán 2022 recibida por parte da Federación de ANPAs:

A temática xirará en torno a natureza e os catro elementos: terra, auga, lume e aire. “A nai natureza alértanos dos perigos que está a sufrir pola acción do home e poñerlle freo é cousa de todos.

Por iso, este verán nos Campacoles tomaremos conciencia do coidado, protección e conservación do planeta, así como dos seres vivos que forman parte dela.

A nosa misión consistirá en axudar á Fada da Natureza para salvar o Planeta Terra, e para iso primeiro debemos coñecer, valorar e respectar a natureza e os elementos que a forman.

Formaremos brigadas de exploradores que descubrirán e coñecerán as características e a importancia e que teñen os 4 elementos da natureza na vida do home que a manteñen viva: A TERRA, O AIRE, A AUGA E O LUME.”

As actividades que se programan abranguen diferentes áreas de contidos, polo que terán un carácter multidisciplinar, permitindo así realizar actividades moi variadas, dende propostas de animación á lectura, xogos de enxeño, actividade motriz, musicais, teatrais, etc.

ESTRUCTURA:

Adiantámosvos as principais características deste programa estival de recreación, que se desenvolverá de luns a venres en horario de 10 a 14 horas, desde o luns 27 de xuño ata o venres 29 de xullo, distribuído en 5 quendas semanais de campamentos con temáticas diferentes. O último día de cada quenda todos os participantes farán unha saída no entorno da cidade ou mancomunidade, cunha ampliación do horario ata as 15:30h.

QUENDAS                                                                 

Quenda 1: Do 27 de xuño ao 1 de xullo.

Quenda 2: Do 4 ao 8 de xullo.

Quenda 3: Do 11 ao 15 de xullo.

Quenda 4: do 18 ao 22 de xullo.

Quenda 5: do 26 ao 29 de xullo.

SERVIZOS COMPLEMENTARIOS

Madrugadores: de 8:30 a 10:00h.

Comedor: de 14:00 a 15:30h. (con posibilidade de saída ás 15:00h. salvo o día da saída que será ás 15.30h).

Contemplarase a media mañá unha parada entre as 11:00 e 11:20 h., aproximadamente, para tomar unha pequena merenda que os escolares poderán levar da casa.

CENTROS SEDE

CEIP Alborada

CEIP Anxo da Garda

CEIP Curros Enríquez

CEIP Juan Fernández Latorre

CEIP María Barbeito

CEIP San Pedro de Visma

CEIP Wenceslao Fernández Flórez

PRAZAS

45 prazas por sede (tres grupos).

A ratio mínima para levar a cabo o campacole será de 15 escolares por sede, e de 10 escolares para os servizos de madrugadores e comedor.

DESTINATARIOS

Escolares que estiveran matriculados nun CEIP do Concello da Coruña no curso 21/22.

ADXUDICACIÓN DE PRAZAS

A adxudicación de prazas farase por orde de inscrición, tendo preferencia dentro dese criterio xeral:

1º. O primeiro día de inscrición, os escolares matriculados no centro sede no que solicitan a/s quenda/s.

2º. O segundo e demais días de inscrición, os usuarios de calquera das actividades extraescolares da Federación Provincial no curso 21/22, con independencia do CEIP no que estean matriculados. A continuación o resto de solicitantes da actividade.

COTAS POR PARTICIPANTE E QUENDA:

CAMPACOLE: 20€.(*)

MADRUGADORES SEN ALMORZO: 10€.

MADRUGADORES CON ALMORZO: 17€.

COMEDOR: 25€.

SEGURO DE ACCIDENTES 4€ (**)

*Estarán exentos da cota de campacole (de 10:00 a 14:00h.) os escolares que cumpran os requisitos de participación e fosen beneficiarios de beca comedor neste curso 21/22.

**Estarán exentos do pago do seguro de accidentes aqueles solicitantes matriculados en calquera programa ofertado pola Federación de ANPAS no curso 2021/22 (“Cóxegas”, “Deporte no Centro”, “Arte e Cultura no Centro”, “English Lab” ou “On Parle”).

PRAZOS

Preinscrición: 23, 24 e 25 de maio de 2022 na seguinte ligazón: www.fedapascoruna.org/inscripciones

Listaxe de admitidos: 1 de xuño de 2022. (Publicarase na web municipal, no 010 e na web www.fedapascoruna.org )

Inscrición e abono: 8, 9 e 10 de xuño de 2022.

Xestión da listaxe de agarda: do 16 ao 21 de xuño de 2022

Fin actividades e inicio programa Coxegas

Entramos xa na recta final do curso e queremos lembrarvos que a data de finalización das actividades extraescolares no centro será o vindeiro 31 de maio

Dende o 1 ao 22 de xuño desenvolverase no cole o programa de conciliación CÓXEGAS, de luns a venres e en horario de 16 a 17 ou de 16 a 18h, segundo a demanda.

A inscrición xa está aberta e as familias que queiran participar teñen que apuntarse no seguinte enlace:

 www.fedapascoruna.org/inscripciones

Custo do programa: 15 €/participante (ademais de 4€ en concepto de seguro de accidentes para os escolares que non fosen participantes de algunha das actividades xestionadas pola Federación ao longo do curso)

*Mínimo para que se realice o programa 10 inscritos

MENÚ 3º TRIMESTRE

 

Resumo do Consello Escolar celebrado o 4 de abril de 2022.

O primeiro punto da orde do día foi a adhesión do colexio ao Programa eDixgal, o programa de dixitalización da Xunta para establecer o libro electrónico nos cursos de 5º e 6º Priimaria. Un programa ao que xa pertenceu o colexio pero que saíu en 2017, e que agora volve un pouco obrigado pola mala calidade do servizo que ofrece o proxecto Abalar. É dicir, explicaron que a Xunta estaba invitando aos centros a cambiar Abalar por eDixgal, polo que os que mantiñamos o Abalar tiñamos equipos electrónicos moi vellos imposibles de utilizar.
Antes as dúbidas que formulou a ANPA sobre o uso excesivo das pantallas a esas idades, a dirección asegurou que vai ser unha aprendizaxe mixta, e que se vai seguir traballando con libreta e boli, e que o libro electrónico vai ser material de apoio pero non o único.
O profesorado terá que facer varias sesións formativas, e o colexio convocará unha reunión coas familias previa a comezo do curso para explicar o uso dos novos ordenadores que cada alumn@ poderá levar para casa. A adhesión foi aprobada por unanimidade.

O segundo punto deu conta do proceso de matriculación, dando conta das 21 solicitudes que temos para o vindeiro curso en 4º Infantil, e 1 para 6º Primaria. A matrícula ordinaria formalizarase do 20 ao 30 de xuño, pero tendes toda a información na web do centro.

Dirección explicou, por encima, a celebración, a semana pasada, da Comisión de Convivencia: dende a ANPA estamos traballando na organización de varios obradoiros de resolución de conflitos para desenvolver con familias e profesorado, a través do CFR (Centro de Formación e Recursos do Profesorado da Coruña).
Propuxemos tamén a idea de tratar cos Axentes de Convivencia da Policía Local (que fan obradoiros) e trasladamos que a Xunta ten unha Unidade Específica sobre Bulling, que no seu caso podería ser convocada.

O último punto da orde do día era dar parte da compra dun novo sistema de megafonía, que permitirá que a secretaria poida realizar a súa playlist con maior liberdade.  Sinalaron que a música da mañá non sei escoita na entrada porque os altofalantes están enfocados para o patio, en parte para non molestar aos edificios de enfronte.

Nos Rogos e Preguntas trasladamos algunhas das inquedanzas que fumos falando no seo da ANPA estes días.
Pedimos ampliar a zona amarela na entrada do cole para evitar os coches durante as entradas e saídas. Sinalaron que xa se pintou este mes de setembro unha zona amarela (o ano pasado apenas había metro e medio) pero tanto o centro como o ANPA podemos solicitar ao Concello ampliar a zona de prohibido aparcar.

Preguntamos pola lista de melloras que necesita o centro. Dende o centro mantense un listado actualizado constantemente, en contacto directo co Concello e Xunta para ir solventando problemáticas e aceptan lle enviemos ao correo do centro as necesidades que vexamos que precisan mantemento.

Por último, propuxemos poñer en valor a Multiculturalidade que temos a día de hoxe no noso centro. Caeu ben a idea de que o proxecto vinculado coa Multiculturalidade podería ser un fío condutor do curso que vén para todo o centro.

Bolsas comedor 2022/23

A pasada semana publicáronse as bolsas comedor para o vindeiro curso 2022/23.

Estas bolsas, coma en anos anteriores, poderán solicitalas tanto as familias de Educación Infantil coma as de Primaria, dende o pasado 2 de marzo ata o día 31 de marzo deste 2022. 

Toda a información está dispoñible na páxina do Concello, que podes consultar facendo clic aquí. 

A ANPA PRECISA COLABORACIÓN DAS FAMILIAS

 Prezadas familias,

        Como xa sabedes, o traballo da ANPA é voluntario e del depende o funcionamento de servizos fundamentais para a nosa conciliación familiar como son os de madrugadores, o comedor ou as actividades extraescolares. Agora mesmo, e en gran medida debido á situación sanitaria, somos poucas as persoas que nos encargamos de xestionar estes servizos e en moitos casos consumen todas as nosas enerxías e tempo libre, polo que coutan a posibilidade de botarlle man a outras cuestións.

Neste sentido, sería interesante para toda a comunidade educativa poder contar cun grupo de persoas interesadas en traballar nalgúns dos moitos aspectos que podemos mellorar do funcionamento do noso centro. Para xestionar dunha maneira participativa as vosas colaboracións, ocorréusenos crear unhas comisións que reflictan as liñas principais do noso traballo. Estas comisións van servir tanto para recoller ideas e iniciativas, como para ter apoios puntuais en momentos nos que necesitamos que nos boten unha man ou para poder poñer en marcha proxectos para os que non damos feito.

Para botar a andar estas comisións imos crear diferentes grupos de whatsapp. Son os seguintes:

1. Comedor: seguimento de incidencias, posibles variacións comida /horarios, incidencias,...

2. Actividades extraescolares: seguimento das actividades, planificación, propostas novas, cambios, apoio nos días de exhibición…

3. Comunicación: deseño de carteis, notas no blogue, novas ideas, rrss

4. Proxectos: desenvolvemento doutras iniciativas dentro do centro escolar, proxectos de igualdade, colaboración cos centros penitencANiarios, O noso patio…

5. Grupo da horta: xa en activo; acéptanse novas incorporacións.

Como traballo voluntario que é o da ANPA, cada quen pode colaborar na medida que queira e co que lle pareza: podedes achegar as vosas ideas, algo do voso tempo, parte dos vosos coñecementos, colaborar na toma de decisións...

Para participar, escribidenos! Esperámosvos!

E-mail:anpaesanjurjo@gmail.com

Whatapp: 604 049 984

O Concello pide retirar as casas de madeira donadas ao patio do cole

 

Como moitas familias sabedes, este ano estreámolo cunhas construcións de madeira novas no noso patio. Estes xogos foron realizados dentro do proxecto "Un patio para tod@s", que se iniciou dende a ANPA en colaboración co CEIP, a empresa FINSA (que doou a madeira) e a Fundación Érguete Integración (quen fixo de intermediaria cos Centros Penitenciarios). Un proxecto que trata de mellorar e facer máis diverso o patio no que xogan @s nos@s fill@s. Un proxecto que foi presentado e aceptado tanto pola dirección do centro como pola Concellería, que amosaron o seu apoio dende o primeiro momento.

Na primeira actividade do proxecto, que case todos a coñecedes porque arrancou o último día do curso pasado 2020/21, todo o alumnado recibiu unha ovelliña feita en arxila por persoas que participan en talleres ocupacionais en centros penitenciarios da provincia. Este pequeno agasallo acompañábase dun vídeo onde as persoas que o realizaban recoñecían o esforzo do alumnado despois de pasar un ano tan dificil pola covid.

Como segunda proposta, o taller ocupacional de madeira do Centro de Inserción Social, grazas a unha doazón feita pola empresa FINSA, realiza dúas casas de madeira, unha cociña infantil, dúas mesas de picnic, unha horta vertical e un mural con casiñas para paxaros que adorna todo o muro da horta.

 

Todas estas propostas son deseñadas na liña de seguir traballando no proxecto O noso patio, un proxecto participativo comunitario que naceu no noso cole hai anos co propósito de deseñar unha zona de patio máis inclusiva, actualizada e vencellada coa natureza.

Agora queremos informarvos do punto no que nos atopamos con este proxecto, xa que nos parece moi grave: Os nenos e nenas non están puidendo xogar coas dúas casas de madeira nin coa cociña, xa que o Concello fixo chegar ao cole un informe da empresa coa que traballan no que nos informaba de supostas deficiencias e advertía de que "todos os xogos de patio debían estar certificados coa normativa europea vixente". 

A ANPA dende o primeiro momento se ofreceu a amañar as posibles deficiencias que puideran ter as construcións para manter a seguridade e benestar do alumnado e con esta información na man, a directiva da ANPA decidiu contratar a unha empresa estatal de certificación de parques infantís (SANPE INGENIERÍA) que analizou toda a zona de xogos do patio. Engadimos ao final deste post a ligazón a informe remitido pola empresa certificadora, sendo dúas as conclusións máis importantes do mesmo:

- Dan conformidade ás dúas casas e cociña de madeira infantil entregadas pola ANPA

- Atopan algunhas deficiencias no estado do parque infantil do centro, que debe amañar o Concello

Despois de entregar dende a ANPA dito informe técnico, o Concello pecha a zona do parque infantil do patio o 20 de decembro para supostamente amañar todas esas deficiencias (e é reaberto na primeira semana de febreiro de 2022, dous meses despois) e nos convoca a unha reunión telemática para informarnos de que o informe técnico que presenta a ANPA expedido pola empresa SANPE INGENIERÍA non se dá por válido para as casas e a cociña de madeira, co que temos que pasar a retirar as casas ou ben pedir unha ampliación do informe á empresa que o expediu. 

Tras contactar con SANPE INGENIERÍA, a empresa certificadora respóndenos que non existen ampliacións de informes e que no seu traballo seguiron o procedemento que teñen dentro da experiencia en certificacións de parques infantís (certifican unos 3.500 ao ano). 

Queremos informarvos a todas as familias, de que non estamos conformes con este procedemento do Concello e é por iso que queremos presentar un escrito para que dende a administración local se nos comunique por escrito a argumentación pola que invalidan un informe técnico expedido por unha empresa certificadora de parques infantís.

Mentres tanto, dende a ANPA seguiremos traballando para que o noso CEIP sexa cada vez un espazo máis inclusivo e vencellado coa contorna e a natureza. 

Materias relacionados:

- Informe que entrega o Concello ao CEIP

- Informe da empresa SANPE INGENIERÍA que contrata o ANPA

Menú do comedor no 2º trimestre

 Deixámosvos o menú do comedor para este 2º trimestre do curso 2021/22:

NOVAS INSCRIPCIÓNS PARA ACTIVIDADES EXTRAESCOLARES ENERO 2022

Ábrese o prazo de novas inscricións nas actividades extraescolares para comezar en enero:

1. As familias que queran unirse aos grupos das actividades que xa están en marcha deben escribir ao seguinte correo electrónico inscripcionesprogramaslecer@fedapascoruna.org, ou ben chamar ao seguinte teléfono 649 05 59 39 en horario de 10:00 a 13:00h. y de 16:00 a 18:00h. 

Haberá desdoblamento de grupos cando a actividade chegue as 19 persoas inscritas.

Actividades que se están desenvolvendo dende o inicio de curso: https://drive.google.com/file/d/14v6gbbr3sRpqr-BrSf0Imp6RPzBSdnaO/view?usp=sharing

 

2. Actividades novas: por petición dalgunhas familias intentarase formar grupo para iniciar unha nova actividade de VOLEIBOL, neste caso a inscrición farase a través do formulario de inscripción na web da Federación de ANPAs: http://www.fedapascoruna.org/inscripciones/  cando entredes no link tedes que pinchar en  "Inscricións programas educativos 2021-22", é nese apartado onde tedes que escribir todos os datos.

En principio tentaremos facer dous grupos de voleibol (1º-3º de primaria, 4º-6º de primaria) que se desernvolverán: LUNS- MÉRCORES de 16:00 a 17:00 

É importante que as familias que queirades inscribiros á actividade de voleivol o intentedes facer o longo de esta semana, para poder ter marxe para comezar a volta.

Só se poderá organizar a actividade se as inscricións chegan a 10 persoas

Calquera dúbida tedes o noso correo: anpaesanjurjo@gmail.com e o noso whatapp: 604 049 984